Materialien 1968

G'stanzl

Hoachts moi her ihr liabn / Leit
und nemts eich a bißl / Zeit
de Gstanzl von dem Liad, de si-ing / I
nämlich nur für eich und net für mi

Mia san alle gegen den Scheiß / kriag
Des is de Wahrheit und koa / Liag
Aba vo selber is koah / Ruah
ma muaß scho selber was dagegen doa

Neunzehnhundertfünfund / vierzig
weas net glabn wui, der / irrt se
Da woilt vom Kriagspuin koana mehr was / wissen
und aufn Barras habn ma alle gschi / ssen

Unser Bundespräsident
den in Afganistan a jeda kennt
macht Sprüch in da ganzen Welt
bloß fürn Ostermarsch hot a koa Geld

De Leit, wo song ma ko nix / macha
soin a bissl nachdenka / nacha
kummas drauf, des is doch / bled
wenn a Politika aloa dasteht

De Koalitionssozi / kraten
haben uns hinterfotzig ver / braten
Was is des füra Oppositi / on
laft vor sich selber gleich davon

Da Schilla und da / Strauß
de ziang an letztn Pfennig aus uns / raus
gebn da Rüstung awei mera / Geld
des uns bei de Zwergschuin wida fehlt

Und an Notstand woins uns jetzt dik / tiean
dann müas ma alle stad sei und pa / riern
Aber den Schmarrn lassn mia net / zua
denn mia ham vom letztnmoi no gnua

De Generale lassns gern / kracha
Leit laßt des net mit eich / macha
aberts endlich amoi üba / Hirn
Und deats mit uns auf Ostern demonstriern

Jetzt redn ma nimma lang / rum
sonst verkafas uns für / dumm
Liabe Leit hebts eiern / Arsch
und gehts mit beim Ostermarsch

Franz Stützinger

Manfred Vosz (Hg.), Kürbiskern Songbuch, München 1968, 121 f.