Materialien 1981

mir und ihr

wo mir günstige wohnungen ham woitn,
habts d Häusa leer stehn lassn.
wo mir alle im Viertel bleim woitn,
habts ganze Blocks niedagrissn,
Betonklötz hinbaut,
Wuchamietn valangt.
wo mir dagegn demonstriert ham,
habts uns ignoriert.
wo mir Häusa bsetzt ham,
habts gsagt, mir warn Kriminelle.
wo mir vahandln woitn,
habts mit da Räumung droht.
wo mir protestiert ham,
habts uns zammgschlagn und gmoant,
mir san kriminelle Gewalttäta.
wo mir gschrien ham,
habts gräumt,
denn von uns geht die Gewalt aus, habts gsagt,
habts Tränengas gschossn,
denn von uns geht die Gewalt aus, habts gsagt,
habts Terrorurteile gsprochn,
denn von uns geht die Gewalt aus, habts gsagt.
mir glaubn eich nix mea,
mir werdn danach handln.

Himbeerdoni

Handschriftliches Manuskript, Archiv der Münchner Arbeiterbewegung