Materialien 1984

Bayrischer Zukunftswalzer

Was werd sei, wenn,
was werd sei, wenn
wir Bayern an Sozialismus ham?

Da Fortschritt geht a um Bayern net rum,
Konzerne und Banken wern Volkseigentum.
Zum Beispiel hoaßt der Siemenskonzern
dann „Computerfabrik Roter Stern“.
D Arbeitslos’nzahlen falln konsequent;
zum Schluss sans nur 0,01 Prozent.
Und des is die bayrische Großbourgeoisie,
denn recht vui mehr warn des noch nie.

Des wird sei, wenn,
des wird sei, wenn
wir Bayern an Sozialismus ham!

Dann lerna d einfachen Leut as Regiern
und lassn si nimmer wie’d Ochsn rumführn.
D Putzfrau, von derer da Lenin erzählt,
ja, die werd dann in’ Landtag neigwählt.
D Seeufer san dann für alle Leut da,
am Chiemsee, am Barmsee, am Kochelsee aa.
Da August von Finck muass schö demütig sei,
dann stelln mir’n als Badmeister ei.
Da Strauss muass, da habts bestimmt nix dagegn,
beim Messerschmidt-Bölkow Starfighter zerlegn.
Wir stelln aus dem Blech a Straßenbahn her,
Die wo nur noch zum Nulltarif fährt.
Was koaner für möglich hält, des wird dann sei:
In Passau entsteht a UZ-Druckerei.
Da Bischof von Passau, Halleluja,
Der abbonniert dann die UZ aa!

Des werd sei, wenn,
des werd sei, wenn
wir Bayern an Sozialismus ham!

Privatsammlung