Materialien 1983

Ausländer-Rock

As Licht geht o, die Tür geht auf
A Jackn fliagt auf d’Straßn naus
Der Charly fliagt glei hinterher
Die Landung fallt eam furchtbar schwer
Des oane Aug werd langsam blau
Sein Hintern spürt er ganz genau

Hey, Charly oider Depp
Hamms dir wieder oane gsteckt
Wirst denn du aa nimmer gscheit
Treibst es immer wieder z’weit
Jedsmal nach der vierten Maß
Gehst wieder auf an Türken los.

Der Charly schreit: a Jahr is her,
Solang is er fertig mit der Lehr
Z’erst hat er gmoant, vielleicht is er z’blöd
Weil ums Varrecka koa Arbeit hergeht
Doch jetza, sagt er, hat er’s checkt:
„Kanaken“ nehmen eam d’Arbeit weg!

Hey Charly merkst denn ned
Wia man dir an Kopf verdreht
Glaubst denn du an jeden Dreck
Der in der Zeitung drinnensteht
Bist denn du so furchtbar blöd
Daß dir da koa Licht aufgeht.

Wer hat denn wirklich schuld daran
Daß di ned übernommen ham?
Der Suleiman aus der Türkei?
Sagt der vielleicht am Chef was ein?
Aus Griechenland der Konstantin
Hat der dir die Entlassung gschriebn?

Schuld an dem Scheiß is die Bagage
Da droben in der Chefetage
Die ham koa Kraushaar und koan Bart
Die san vo reiner, deutscher Art
Und locha si doch bloß an Ast
Wei du no nix begriffen hast.

DGB-Songgruppe

wir. Information für Münchner Gewerkschafter, hg. vom DGB-Kreis München 2/1983, 9.