Materialien 1984

Haidhauser Buam

I mog
de Kobell-Wiesn:
seit i Fuaßboischpuin ko,
den Wiener Platz:
zwengs de ratschadn Standlfraun.
de Johanneskirch:
weils oiwei scho da is.
des ganz Pariser Eck:
wo i mei Eis kaaf, meine Gschäft kenn,
mei Biar hoi, mein Freind beim Flippern triff,
de Panka, de Schwuln, de Oidn
bei da Postwiesn:
de wo i kenn,
des uaroide Arbeita-Viertl:
des mog i!

Mei Vada
mechat a Neibau-Woonung
draußn in Nei-Perlach:
weils billiga is
ois wia de sanierte
von unsara Oma
am Ostbahnhof.
I mog ned!

Gustl Angstmann

Die Aktion 26/27 von 1984, 347.